བླ་མ་དབུ་མཛད་ཁྲི་སྟོན་མཛད་སྒོ་།
༄༅།།མཁའ་སྤྱོད་གླིང་ཆོས་ཚོགས་ཀྱི་དབུ་འཛིན་༧སྐྱབས་རྗེ་་གངས་དཀར་མཆོག་སྤྲུལ་རིན་པོ་ཆེ་རྗེ་བཙུན་བློ་བཟང་དཀོན་མཆོག་བསྟན་འཛིན་མཆོག་ལ་༸གོང་ས་༸་སྐྱབས་མགོན་རྒྱལ་བའི་དབང་པོ་མཆོག་གིས། དཔལ་ལྡན་རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་ཕྱག་རྟགས་སྤྱི་བོའི་མཛེས་རྒྱན་དུ་བཀའ་དྲིན་བསྩལ་པ་ལྟར། བོད་རྒྱལ་ལོ་༢༡༤༧ བོད་ཟླ་༡༡ ཚེས་༡༣ ཕྱི་ལོ་ ༢༠༢༠ ཕྱི་ཟླ་ ༡༢ ཚེས ༢༧ གཟའ་སྐར་དགེ་བའི་ཉིན། དབུས་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག་དང་། དགེ་ལུགས་སྤྱི་འཐུས་ལྷ་རམས་པ་ཨ་ཀྲུག་ཚེ་བརྟན་མཆོག དེ་བཞིན་གྲྭ་ཚང་གི་ལས་སྣེ་རྣམ་པ་དང་བསྟན་སྲུང་ཆེན་མོ་རྡོ་རྗེ་གཡུ་སྒྲོན་མའི་སྐུ་རྟེན་བསྟན་འཛིན་ཚེ་སྐྱིད་བཅས་ནས་སྤོས་སྣེས་གདན་དྲངས་ཏེ་ར་ཆེ་གཉིས་པའི་གཙུག་ལག་ཁང་དུ་བླ་མ་དབུ་མཛད་ཀྱི་ཁྲི་ལ་མངའ་གསོལ་བའི་བཀྲ་ཤིས་པའི་ཁྲི་འདོན་མཛད་སྒོ་སྔ་སྲོལ་བཟང་པོའི་ཕྱག་བཞེས་ལྟར་འཚོགས་པ་དང།སྐུ་མགྲོན་རྣམས་ཀྱིས་གཟིམ་ཤག་ཏུ་རྟེན་འབྲེལ་མཇལ་དར་འཐེན་རྗེས། ཉིན་གུང་གསོལ་ཚིགས་ཟབ་རྒྱས་བཅས་མཛད་སྒོའི་ལས་རིམ་མཐའ་དག་བཀྲ་ཤིས་ལོ་ལེགས་ངང་ལེགས་གྲུབ་བྱུང་སོང་།
